Сочинение на даргинском языке яни

Муниципальное бюджетное общеобразовательное учреждение

«Гимназия №7» г. Махачкалы

Тема:

«Агь, яни, яни, яни!

Дила сихIрукья яни!»

(классла дурабси балбуц)

5 класс

Дарс хIядурбарибси ва дураберкIибси МяхIячкъала шагьарла 7-ибил гимназияла дарган мезла ва литературала учительница:

Къамбулатова Хамис Сулайбанкьадиевна

Тема: «Агь, яни ,яни – яни!»

Дила сихIрукья –яни» (классла дурабси балбуц).

Балбуцла мурад: адикьес дурхIназир диги тIабигIятличи; ил мяхIкамбирахъес илди жибарни; саркъахъили бучIнила чебкад хIянчи дураберкIни; даргала литератураличи диги адикьни; мухIлила ва белкIла гъай гьаладяхI ардукни.

Чебаъла ваяхI: янила тIабигIятла суратуни дарибси плакат, жузала выставка, ИКТ,5 классла даргала литература, «Лачин» журнал.

I.Дарсла башри.

II.Учительла гьалагъай.

Салам, ахIерти дурхIниI

Салам, хIурматла гIяхIли!

ИшбархIи нушала класссла дурабси балбуц , дусла авалра манзиллизиб бегIлара нушала биштIатIас дигуси, тамашала сихIрукья заманалис багъишлабарибси саби.

Ил манзилличила чумилра машгьурти даргала ва цархIилти

миллатла поэтунани ва писательтани делкIун назмурти ва хабурти. ЛехIдизирая, дурхIни, гIергъити къяяначи ва пикридухъеная се заманаличила гъайдикIехIел нуша ишбархIи:

Агарли хабаралра

Нушачи яни бакIиб,

Муза — къада лерилра

ДяхIили капIкадариб.

-Сегъуна заманаличила, дурхIни, нушала ихтилат?

-Яниличила.

-Чили бала иш назму таманбарес?

УчIан: Сягид ГIямаров « Яни »

Агарли хабаралра Нушачи яни бакIиб,

Муза — къада лерилра

ДяхIили капIкадариб.

Агу нушаб авара

Хъулри ванали сари,

Дурсри тамандиалли,

Кадулхъес гъяйми сари.

Жявти замунтазиб яниличил гьунибаънила бархIи дурабуркIусири I-ибил ноябрьличиб. Бучили хъумачибси сабухъра халкь хъулрази пяхъбиркутири, яни биалли къунзбулхъусири унхъразибад ,хъумачибад ,авлахъуникад.

—Гьари гьандиркахъехIе нушала поэтунани яниличила делкIунти назмурти ,дурхIни.

III. Дарган мезличил назмурти делчIни

УчIан: Рашид Рашидов « Агь ,бугIярдеш ,бугIярдешI»

Агь ,бугIярдеш ,бугIярдеш!

Къаркъа тякьиулигу ,

Бара арцалли, чяка

Пахъли кабиркулигу.

Гьу, секьяйда калхъуси

Гъяйличив никIа ХIяжи ?

Секьяйда пякьхIевдути

Сунела хIунтIен ляжби?

«Гьаларад!» -викIули сай

Гьалав чилра агаркъи,

ЦIали гьигьикIули сай

Ил гъяйличив гьакIухъи.

УчIан: ХIябиб ГIялиев « Яни»

Дуги барибси дяхIи

Чучибад пяхIбирули,

Савлила дирихьмазир

Бурги гьакIардирули,

ТIашли сар биризуни

Гьайбатли кадизурли

Удиб ,мурхьси къадалаб,

Шурми- къаркъуби ургар,

ТIабигIятли дарибти

ХьанцI миъла тIулри ургаб,

Амъур шин чяхIдикIули,

ХIеркI саби лямцIбикIули,

ДягI саби музурбачиб

ДяхIиличил бумхIули.

УчIан: Рашид Рашидов «Яни саби лябкьули .»

БучIули саби къяна,

Яни саби лябкьули,

ДурахIейу савли гIур

ХIенкьулабани кьули .

Балкабиркур цIуб варгьи

Дубурла хъуцIрумачиб,

ЧебхIейсу ил чилилра

Ванати хIеб дакIайчи.

Бускалан миълиуб хIеркI

Житаван кьурбикIули,

Бех1бирхьур цIиркси дягIра

ХьанцI бецIван авбикIули.

Агара илдала децI

Гъяймира лер хIякнира

Балагьлизи дикалли

УцахъехIе чякнира.

УчIан: ХIябиб Гялиев «Дубуртазиб яни»

Зубрази зуздитIунти

Зурба ахъти дубурти

ЦIуба гIяндан варгьили

Сари кIап1кадарили.

Яни саб дубуртазиб

Сунна ярга ихъули.

ДягI саби музурбазиб

ДяхIиличил бумхIули.

УчIан: Самуил Маршак « Февраль »

Духъи сари дугIби февраль базлизир

Ахъли авдикIули сар кьяпIурбазир

ЧIичIалаван детухъи сар ванзакад

ЦIуба пуслар къалабаси дягI удир.

IV. Арадеш мяхIкамбирнила чебкадси хIянчи. Физкультминутка. Дарган мезли далай «Нешла мез»

V. Хъарбаркь: -Гьари,дурхIни,нушани сунечила дахъал хабурти,назмурти дурира,гьанна багьирабас жавабти дурая.

I.Дуклуми агара –урцули саби.

Някъби агара -бирхIули саби.

2.Унзаличи кьутIбикIар,

Улкьайлизи вякьбикIар,

Дурав тIашизурсила

КьапIаличи хъямбикIар.

3.Дунъя бирцIур, хунк хIебирцур.

4.Авлахъличиб цIуба шаршав.

5.МицIирхIели -кабилхьан

БебкIибхели -гьаббулхъан.

6.БугIярдешли бумдахъу

Ванадешли бисахъу.

7.Някъби агара, къяшми агара,

Амма гумурби диру.

8.Шизира гIелахIебиркур

ЦIалира хIейгу.

9. АрцурхIели лехIкахъибси

КабиибхIели бисуси.

I0. Някъби кьяшми агарли

Саби някьишбикуси.

Умхьу: ДягI, дягI,дирихь,дяхIи,дяхIи,миъ,миъ,миъ,дяхIи яни.

БухIнабулхъули саби яни :

-Ассаламу г Iялайкум хIурматла гIях1ли, дила ника дучIанти

Ваг1ялайкум ассалам.

Яни : ХIушани ихтияр барадалли, нуни дила халал урши живарес дигулра, дурхIни.

Декабрь лябкьули саби.

Яни: Гьари, дила халал урши, Декабрь, хIела уличил ишди жагати, духути нушачи хIерти дурхIнази хIечила ца-кIел гъай дура .

Декабрь –вецIъибил баз ибси саби. Ил нушачи бакIибси саби Древний Римлизибад. Гьанналис кIел азир дус гьалаб ну бетаурра I2-ибил баз, у биалли бехIсурхIебарира. Дила бурхIни дусла манзиллизир беIлара къантIаби сари,дугурби-духъянти.

Яни: Дила гIурра дурхIни лебти саби, дурхIни. баладаяв хIушани?

Ученик: Январь ва Февраль.

Январь: Салам, дурхIни! Набчила бурасли хIушази се иргъахъусил дила ули, наб дила дудешли бихьибси Древний Римла пача Янусла у саби. Урусла мезлизиб дила ули иргъахъуси саби: хьанцIа, сенахIенну ну бакIибхIели, закли сунела лебсигъуна хьанцIдеш чебиахъуси саби. Дила лебси саби биштIал узи Февральра. ЖибирехIе илра .

Февраль: Хашкелди, дурх1ни.

-Хашкелди.

-Дила ули се иргъахъусил балулрая, дурхIни?

Наб дила дудешли бихьибси Древний Римла авлахъла пачала у саби. Наб Фебрууса бикIар, наб дебали дигахъис хъярхъти дяхIиличилти дугIби, дигахъис наб дебали, агарси мерличи тIинтIбарили дяхIира, авлахъуни капIдирес.

СЦЕНКА.

УчIан: Нушала дигуси яни сецад бугIярси бакIадра хIуни нуша бурсидирулра замана. дуцIрумла бурхIни кьиматладирахъес, сенахIенну хIечи нуша дебали хIядурдикIес гIягIнили саби.

Халкьлизиб буруливан «ДуцIрум хIевзуси –яни хIевкан.» ДуцIрумла ца бархIили янила баз валха» ХIечи хIядурдикIули сецад нуша дамсехIелра, нушаб хIу дигусири, башен нушачи. Нушала хала бегIтани бурни хIясибли: « ДяхIи халал баралли –сабухъ гIяхIси бирар».

Учитель: Нушала гIямрулизиб мягIничебси мер бурцули саби искусстволи. Ишаб адамтани кьасбирули саби тIабигIятличила дунъяличила чула пикруми мурадуни иличи диги чедаахъес чула суратуназир, буралабазир, багьирабазир.

Яни – бегIлара дигуси дусла манзил саби. Янила дугели биалли, дунъя тамашали сихIрулаван барсбиру.

Галгуби цIуба дяхIила удир мешудиркули дирар цадехIти жагаси цикIурмачи, цадехIти цIуба пухьла кана черси хала нешличи. цадехIти тIинтIдарили някъбира делхъличи карухъунси исбагьи рурсиличи. ХIера илгъуна тамашала замана чебиахъули саби чула суратуназир художникунанира.

VI.Янила сурат сипатбарни

Учитель: ХIушани чебиуливан, дурхIни поэтуницун буили ахIен ил заманаличи гIяшикьти, бахъалгъунти художникунанира чула пикруми чедаахъили сари сихIрукья -яниличила .

Гьачам гьатIи хIердизирая ишди суратуначи ва бурая хIушала пикри.

Сецад янилис тIабигIят гIянцIбарес дигули хьалли, янила тIабигIятра сунеласун жагаси саби. Дурхъати къаркъуби кьяйда лямцIярдикIули ухули сари гулгала миъдяргIибти кьялуби.

ХIера, илдигъунти жагати янила суратунани нушала гьав ахъбирахъули саби, уркIи разибирахъули, шалабирахъули саби. Гьарил адамли кьасбаралли сай -алавси тIабигIятла жагадеш гьарил дусла манзиллизиб чебиэс, балалли лехIирхъес жагати арцантала тIамрачи, хIерк1ла лайлаличи, вацIала гьигьличи — нуша -алавси дунъя гьатира жагабирар. Урусла бурала лебси саби: « ТIабигIятла вайси аргъ лебси ахIен ибси ».

-Гьари, дурхIни шурбатирая урус мезличи: «У природы нет плохой погоды»

Поэтунанира художникурацун ахIен, дурхIни яни сипатбирути, илала жагадешли гъирачеббирахъули саби композитортира далайчибира.

VII.Далай. Гьанбикахъес урусмезлира далай яниличила.

Учитель: ИшбархIи нушани гьунниббалтехIе яни сунела дяхIурбачил ва дугIбачил. УркIи –уркIилабад балахъехIе нушани илис баркалла.

Назму: Бисули саби яни

Дигхейгули арбукьес…….

VIII. Литератураличил бархбас. Буралаби.

Янили хIера илкьяйда мурталра урухрабирахъутири, тамашарабирахъутири адамти сунела кьяркьдешли.Амма адамти урухбирути ахIенрину, гьатIира сунечила чула далуйти буралаби цаладирахъутири.

—ХIушани сегъунти буралаби даладая яниличила:

Яни дяхIцIурба хIеделкъунти хIеб маркалира хIелукъан.

Янила къуйрухъ бухъяна бирар.

Янилизиб дяхIи хъумас – хIяка, хIеб дяхIи — бекIлис балагь.

ДяхIи ванзалис юргъан саби.

ДяхIи халал биубцад , баракат халали бирар.

ГIебшнили ва янили хIеб дугули дирар.

-Cекьяйда иргъулрав ,дурхIни , хIушани ишди буралабала мягIна.

IX. Гьалабихьибси назму хIясибли сурат барая.

Х.Къамбулатова Яни

Бисули саби яни,

ДигхIейгули арбукьес,

Адамтас бетIарачи

Буили биаллира.

Амма хIеб сари гьуйчир

Сакъли хIерли сунела

Цалра бархIи янилис

Матъал хIебатес или.

Ванаси хIерли хIебла

Яни гIясибиахъуб:

-Лябкьян гIурра замана,

Ну пачали бируси…

 ЦIуба пухьла юргъайу

Бурцис сагадан ванза,

Диршис дяхIила ваяхI

Дила гьигь биу мерла.

ХIела шиниша кьалтин

ЦIухбарили убкайсис,

Арцантала макьамти

ШятIъили шипIдиргIяхъис.

ДуцIбикIути дурхIнира

ДигIянбиркахъис хъули,

Диргала хIебулхъахъес

Ну къунзбикIу замана.

X. Рефлексия.

XI. Хъули хIянчи. Х.Къамбулатовала «Яни» бикIуси назму уркIиличиб багьес.

6

Проектная работа «Родной язык — нешла мез»

Абдуллаева С.М
Проектная работа «Родной язык — нешла мез»

Тема: Язык родной- Хъуммартида нешла мез

Наш родной язык – это даргинский язык. Это язык который мы впитали в себя с молоком матери. Этот язык главное сокровище нашего народа. В наши дни большинство детей стали забывать родной язык и все чаще разговаривают только на русском языке. Наша задача сделать все возможное, чтобы дети не забыли свой родной язык.

Участники: Дети, родители, воспитатель, логопед.

По количеству участников: Групповой

Цель: Воспитание любви, интереса и уважения к родному языку

1. Воспитать у детей языковую толерантность

2. Закреплять имеющиеся достижения в речевом развитии ребенка

Срок реализации: 1 неделя

Этапы работы:

1. Подбор песен, стихов и сказок на родном языке

2. Подбор наглядно-дидактический пособий, иллюстраций, музыкального сопровождения.

3. Подбор национальных костюмов

1. Дидактическая игра «Скажи, что это на даргинском языке?»

2. Средство выразительности родного языка «Произносим и переводим слова на русский язык»

3. Слушания и исполнение песен на родном языке

Х. Османова _ «Дила дарганти дила»

П. Кагирова – «Даргинцы»

4. Пословицы, поговорки и загадки на родном языке

Гъабза убк1ар, хабар кавлан.

Арцли велкъес вируси ах1ен.

Белч1уди касибси, мискинх1ейрар.

Х!улби урухк1ар,някъби дузар.

1. Сяг1ят ах1ен-замана буру (Берх1и)

2. Буг1ярбиалли бумдар, ванабиалли бисур. (Миъ)

3. Яни белкъунси, дуц1рум гушси.

4. Кьяшми лер- някъби агара,бек1 леб-чарх агара,ц1ализи бетулхъан,халт1бухъи,чарра булхъан. (Къямза)

5. Х1унт1ена т!унеличир, х1ябц1али ц1уб мукьара (цулби)

6. Дунья бирц1у, хунк1 х1ебирц1у (дирихь)

7. Авал т!ирхьаличиб, ца кьап1а.

8. Алавчарли ласбик1ар, ласбик1уцад ахъбик1ар (Х1инт1а)

9. Х1улби ледли, вякь сукъкъур. (квашин)

5. Счет до 10 на родном языке. Произношение двойных букв (с участием логопеда)

Ца, к1ел, х1ябал, авал, шел, урегал, верх1ел, гех1ел, урч1емал, вец1ал.

К1, КЬ, КЪ,Х1,ХЪ,ХЬ,Г1,ГЪ,ГЬ,Ц1,П1,Т1.

6. Прогулка и рассказ про наше село Уркарах

7. Сценка «Гуглах!яй» (с участием родителей)

8. Конкурс чтецов «Лучший чтец на родном языке»

9. Мероприятие «Праздник родного языка»9

10. Исполнение песни «Гимн Дахадаевского района»

Фотоотчет «Родной язык, дружи со мной» с детьми подготовительной группы Фотоотчет «Родной язык, дружи со мной» с детьми подготовительной группы Хакасский язык – это бесценное богатство, дарованное нам с рождения,.

Консультация для воспитателей «Родной язык — «удивительный педагог» Консультация для воспитателей «Родной язык – «удивительный педагог» Уважаемые педагоги! Предлагаю вашему вниманию данную работу, и надеюсь.

Творческая проектная работа «Животный мир оригами и аппликации» в старшей группе Творческая проектная работа «Животный мир оригами и аппликации» в старшей группе Подготовила: воспитатель Пологутина И. Н. МДОУ «Детский.

Проектная работа учащейся 7 класса «Полимерная глина своими руками» «Полимерная глина своими руками» Авторы: Ещиганова Виктория 7 класс Руководитель: Макеева Наталья Ивановна Россия, Ханты-Мансийский.

Проектная работа учащегося 6 класса «Сколько стоит здоровье» проектная работа»сколько стоит здоровье» РУКОВОДИТЕЛЬ: МАЛИКОВА З. М., Участники: Ученик 6 класса Введение. Во время отдыха в Турции мы.

Проектная работа «Памяти моих прадедов посвящается…» Оглавление: 1. Вводная часть 1.1 Актуальность 1.2 Гипотеза 1.3 Цель и задачи 2. Основная часть 2.1 Объекты исследования 3. Заключение 3.1.

Проектная работа в подготовительной группе «Наша клумба бархатцев» Уважаемые коллеги! Предлагаю на ваше внимание часть работы по проектной деятельности с нашими детьми, которую мы реализуем с марта месяца.

Источник

Сочинение по произведениям Расула Гамзатова на даргинском языке

МКОУ

СРЕДНЯЯ ОБЩЕОБРАЗОВАТЕЛЬНАЯ ШКОЛА №3

Выполнила ученица 9 «А» класса СОШ №3 Рабаданова Индира

Проверила учительница даргинского языка и литературы СОШ № 3 УМАЛАТОВА Г. Х.

Расул Х I ямзатовла произведенияби х I ясибли сочинение.

» Мне ль тебе, Дагестан мой былинный,

Мне ль в станице твоей журавлиной

Отколовшейся птицею быть. «

Дагъиста поэтунала творчестволизиб халаси мер бурцули саби дигайла далуйтани. Илди далуйтазиб бурули саби хьунул адамла жагадешличила, дигайличила, илала кьисматличила. Расул Х I ямзатовлира «Дубурлан рурси » бик I уси поэмализиб ахъбурцули саби тема дубурлан хьунул адамличила. Иш поэма белк I унси 1956 ибил дуслизиб. Асият бик I уси дубурлан рурсиличила, илала дигайличила саби иш поэма. Поэмализиб поэтли чебиахъули саби Совет х I укумат кабизурси манзил. Революциялис гьалабси замана хьунул адамла г I ямру дебали къиянти дири. Ил къиян- жапали, излумани, гаши-дяг I янани сунела дигайличила, жагадешличила бурахъес х I ералти. Дигай дихьибтала ургар дуркьа г I ядатуни т I ашлири, унрубала гъай-мез имц I адири. Бег I тани чула рурсби гуж-гужли давлачебтас шери бедлуги. Илдачи къаршили дурарулхъули сари Расул Х I ямзатовла дубурлан рурси. Асиятла образли дубурлан рурсби чула ихтиюрти, дигай ва талих I багьандан дявиличи жибирули саби. Асият дуркьа г I ядатуначи къаршили сари. Илдигъунти рурсби рахлира къарших I ебирки. Поэмала бех I бихьудлизиб поэтли бурули сай Дагъиста машгьурти далайчибачила:

Расул Х I ямзатов нушала поэзиялис дубурлан хьунул адамла чеблалиуб саби или, вик I усири. Царх I илти поэтунаниван хьунул адамла кьисматличила ишкьяйда вик I ули сай Расул:

Наб букьурли даибти Дила назмуртазивра Х I ела кьисматличила Даим пикрумазивра. Бикьира хабар нуни Х I ура ц I акьсира или, Х I ейгусилис х I ерукьес Х I ура жалрирхъи или. Амма сунезивад сай Х I ед х I ейгуси убх I ебк I и Гужли гьаррилт I ири х I у Г I ур х I ела эмх I е бубк I и.

Чидил гьуни бурцида Г I ямрулизибб Асият Бахъла кьяшма белкунси Бурциду гьуни диркьси Яра дубурлагъуна Бирк I иду гьуни кьяркьси

Бег I тани Асиятлизи х I ебурили хамис барх I и мекъ барес х I ядурбик I улри. Илини багьурси рурсбазибад сабри.Асият сириларх I елил Г I усмайс ураркьибсири, амма илис дигуси Юсуп сайри. Ил дебали къиянси агилизир сарри. Бег I ла г I ергъиси ца гьат I и дарс кабихьахъес рак I или сари Вера Васильевначи. Учительницани илис кумекбирули сари:

Х I ед се барес г I яг I нилил Хьарбаа урк I илизи Бех I ах I ен х I ела гьалаб. Гьанбикахъа алхунти Г I яхти г I ямру багьандан Дергълизир жан кайхьибти. К I анали дях I г I екили, Г I усмайс шери рукьядли, Рик I ус илх I ели х I ези Дуг I ли руч I усири х I у Вец I ал дусла бурх I назир.

Асиятли учительница рик I уси барили сари. Поэтра разили сай сунела героиняла баркьудиличи:

Батурри дудеш ва неш, Батурри г I елаб мекъра Х I ечил кьабулли сабри Х I ела гьалмагъ рурсбира.

Рак I или сари Асият шагьарлизи, илх I ели партияла х I укмули институт абхьибсири, ила карерхес кьас сабри Асиятла. Авлали ва шулали дедиб имтих I янти Асиятли, жагали ва ункъли руч I улри ил. Киноличибад чарбулхъух I ели, илис къаршииркули сай Юсуп. Ил жагьси, духуси, адамлис г I яхдеш барес гьалакси, сагати г I ямруличи х I ерси г I яхгъабза сай. Г I усман биалли илзамана х I ерлири Асиятличи. Илала кьас сабри чеббиц I ес:

Источник

Сочинение: «Нешла мезла давла»

даргинского языка и литературы МКОУ «Нижнемулебкинская СОШ»

Нешла мез-дила давла.

Дунъяличиб дебали бахъал халкь леб. Гьар миллатла халкьла, камти биалра, бахъал биалра чула хасти мез лерти сари. Гьар мезла сунела жагадешра, кег I ебдешра мяг I нала саркъибдешра лебси саби.

Дила хала неш-дудешлира нушаб мурталра чула дурх I ядешличила хабурти дури. Гьар миллатла сунела историяра, культурара лебси саби, ил къябагарли бархбасунси саби чула нешла мезличил. Нешла мез хъумартурси миллатла челябкьла лебси ах I ен, ил багьандан вег I ла нешла мез дебали дурхъали г I ердуцили вег I ла наслулизи дагьахъес чебси саби.

Нешла мез дила давла саби, дила даргала халкьла давла саби, илди мез нушани мях I камли дих I ули, нушала наслулилизи дагьахъес нушала чебла саби. «Мез далуси мурдали, х I едалуси хьурали» иру халкьли. Сегъунти мез дагьаллира, илди чисалра, се заманара диргаладухъунти ах I ен. Диргалах I едулхъан даргала литературный мезра.

Нешла мез-дила давла.

«Нешла мез хIедалуси адам кIарала пяхIбиубси галгагъуна сай». ХIера ишди дебали мягIничерти дугьби делкIи сари ХI.ГIялиевли. Илди дугьбала мягIна аргъили дигулра гьарил дарган адамли. Миллат калахънилизиб, илала хасдеш даимбарнилизибтяпнешлагъунакьадрилебсисабивегIламезлара. Илдимезлисабинуша, дарганти, цакьамланаслудиъникабилзахъуси.

Дунъяличиб дебали бахъал халкь леб. Гьар миллатла халкьла, камти биалра, бахъал биалра чула хасти мез лерти сари. Гьар мезла сунела жагадешра, кегIебдешра мягIнала саркъибдешра лебси саби.

Дила хала неш-дудешлира нушаб мурталра чула дурхIядешличила хабурти дури. Гьар миллатла сунела историяра, культурара лебси саби, ил къябагарли бархбасунси саби чула нешла мезличил. Нешла мез хъумартурси миллатла челябкьла лебси ахIен, ил багьандан вегIла нешла мез дебали дурхъали гIердуцили вегIла наслулизи дагьахъес чебси саби.

Нешла мез-гIямрула рухI,Ну мицIирли вихIути.ГIяламла гIякьлуличил,Наб букьурли даибти.

Нешла мез дила давла саби, дила даргала халкьла давла саби, илди мез нушани мяхIкамли дихIули, нушала наслулилизи дагьахъес нушала чебла саби. «Мездалуси мурдали, хIедалуси хьурали» иру халкьли. Сегъунти мез дагьаллира,илдичисалра, сезаманарадиргаладухъунтиахIен.ДиргалахIедулхъандаргалалитературныймезра.

Источник

Сочинение по даргинскому языку на тему «Мой взгляд на сохранение родного языка»

МИНИСТЕРСТВО ОБРАЗОВАНИЯ И НАУКИ

МКОУ «Хуршнинская средняя общеобразовательная школа»

«Мой взгляд на сохранение родного языка»

Выполнила ученица 11 класса: Абдусаламова Патимат Магомедовна

Руководитель: Абдуразакова Райзанат Мусаевна

Дигахъена нешла мез,

Илди мезличил сабну

Г1ямрула гьуни ихъул.

Цадех1 вавназибад барибси халара, жура-журала вавначил барибси халара цугдуцалли, гьай-гьайра жура-журала вавначил барибси жагаси саби. Х1унт1ена ваваличил балбиркур бухъут1а, барх балбикалли хьанц1а г1урра жагабиру хала. Илгъуна халаван чебиулира наб Дагъистан, Россияла бух1наб. Ца бишт1аси мер-мусаличир илдицад мез, тамаша ах1ену гьат1и?!

Мез – саби-ургаб адамти гъайбик1ути сек1ал сари. Илдала кумекличирли чуни дарсур пикруми дуру, мурадлуми иргъахъу. Урк1иличирти ва бек1лизирти пикруми дурес г1яг1нидеш ва х1яжатдеш лебнили сари мез ак1ахъубти. Дунъяличир гьанна х1ябал азирличирра имц1али мез лер. Дагъиста халкьли гъану гех1радех1 мез дузахъули сари. Дагъистайзир илдицад мез лерниличила халкьла дахъал буралабира лер. Х1ера илдазибад ца: «Гьачам Аллагьли дунъяличибти адамтас мез дут1ахъес ч1ака бархьаили саби. Ил, сунела мезли биц1ибси гавлагра касили, мез дут1ес гьайбиубли саби. Ч1ака Дагъистайзи абаибх1ели, илала мезли биц1ибси гавлаг шурла бугаси дублизи чегили гъярбердили саби ва лерилра мез Дагъистайзи т1инт1кадиубли сари». Илдазирад цадех1 сари нушала дарган мез или, бурули бирар нушала шила халатани.

Дарган мез даргала халкьла мез сари. Илди даргала халкь ак1убла, илдачил дарх лерти сари. Илди мезличил дарганти саби-ургаб гъайбик1ули саби, чула пикруми иргъахъули сари. Эгер илди мез х1едиалри, адамти саби ургаб бархбасес, жамиг1ятлизиб х1ербиэс бирути ах1енри.

Белк1 агарли г1ергъи, литературный мез диэс дирути ах1ен. Даргала халкь гьарли-марли чула мезличил буч1ес ва лук1ес бех1бихьили саби 1925 ибил дуслизиб. Амма итх1ели лебилра дарганти гьарил чула лугъатличил лук1улри. Илбагьандан чиди-биалра ца лугъат, сабира имц1атигъунти даргантала лугъатуначи мешуси, т1амралашал бахълис балбикибси, хьулчилизи кабихьили, литературный мезла кьяйдурти кадизахъес г1яг1нилири. 1930-ибил дуслизиб Дагъиста орфографическая конференцияличиб ахъушала лугъат литературный мезла хьулчили кабихьибси саби. Ахъушала мез гъайла устнани луг1яндарили, лебилра даргала халкьлис цайли цати мезли кадизахъурти сари. Х1ера, илкьяйда 1930-1931 ибти дусмазир ак1убли, барх1илис-барх1и гьаладях1 дашули сари даргала литературный мез. Дарган мезличил художественная литературала произведениеби, газетаби, журналти ва дурх1ни буч1ахъес жузи дурайули сари. Дарган мезличил театрлизир спектакльти кадирхьули сари ва передачаби дирули сари. Илди мез школабазирра дуч1ахъули сари. Илбагьандан, дарган дурх1нас багьуди ва бярхъ дедлугнилизиб, даргала мез дуч1нили халаси асар бирули саби.

Гьанна дузути лук1нила кьяйдурти г1ях1ил къулайдиубли сари, амма г1ялимти, илди гьат1ира ункъдирули, бузули саби. Ил шайчир илдас кумекли дирули сари урус мезла лук1нила кьяйдуртира. Г1ерасибти дугьбани литературный мез давлачердарили сари. Белч1удила г1ялимти пикрибик1ес г1яг1нили саби, нешла мезла кьадри халабик1ахъес.

Даргала мез гьаладях1 аркули сари даргала поэтунанира писательтанира. Илдани чула произведениебазир чедях1дирули сари даргала халкьла мез, г1ядатуни, культура.

Гьаннала замана бахъал адамти шимазибад шагьуртази арбашули саби. Цабех1тани чула нешла мез хъумуртули сари, цабех1тани биалли, бек1лил чула нешла мез далули ах1ен. Илкьяйда цадех1 мез бек1лил деткахъили сари. Шагьуртазибад бак1ибти дурх1ни чула хала бег1тачил урус мезли гъайбик1ули саби, амма бухънабани илдала гъай иргъули ах1ен. Ц1ахли ах1ену гьат1и илдала бег1тас, чула дурх1нани чула бег1тала мез х1едални багьандан?

Вег1ла нешла мез муртк1ал хъумх1ертес г1яг1нили саби, илбагьандан гьарилла бег1тани чула бишт1атази илди дагьахъес чебла саби. Чула хъалибаргла бух1наб нешла мезличилцун гъайкабик1ес х1яжатли саби. Нешла канилав левалли вишт1асиличил нешла мезличил гъайкайк1ес г1яг1нили саби. Дила пикрили, нешла ниъличил, вишт1асили нешла мезла дурхъадеш багьес г1яг1ниси саби. Вишт1али левалли бяркъурси, илини муртлиск1ал хъумх1ерту.

Дагъистан машгьурси саби: ахъти дубуртачибли, дек1арли, чулацун дарибти шимачибли, гьар-урла г1ядатуначибли, г1ях1ялдешличибли ва дахъал мез лерниличибли. Дахъал мез лер дургар царх1илти мераначирра, амма нушалагъуна, хъатгъуна мерличир ишдицад мез чинаралра х1едургар. Гьар шила сунечицун хасти мез сари, тамаша ах1ену гьат1и!

Наб ришт1ах1ели дебали тамашабилзи, сен нушала унра ши Мирзидтала адамти нушаван ах1и дек1арли гъайбик1утил? Нушала шими дебали гъамти сари, амма мезлашал дебали гьарахъли сари. Цацадех1ти дугьби илдала нушани иргъули х1едирех1е. Ил шила дурх1ни нушала шилизибси школализи сабашули саби. Нуша цаличил ца жалтадиркьули дирех1е,- «Нушала мез жагати сари»,- нуша дик1ули. «Чула мез жагати сари»,- илди бик1ули. Гьанна, халакараибх1ели, нуни иргъулра, гьариллис сунела мез жагати сари ва гьариллис илди дигахъули сари.

Арх1яличи дурарухъунх1ели, шагьарлизи чинак1ал аркьух1ели, чумра адамла ихтилат дакьира. Ихтилатлизир адамтани чула мер-муса, чула ши, чула мез гапдирулри. Наб ил г1ях1бизур, сенах1енну лебтасалра чула мез дигахъни якьинни саби.

Бургар цабех1ти, мез мучлаагардиранти. Имц1али илдигъунти адамти шагьарлизиб къаршибиркули саби. Илдас я чула мез г1яг1нили ах1ен, я гьар-урла г1ядатуни г1яг1нили ах1ен, илдигъунти адамтала культурара сегъуналра агара. Вег1ла г1ядатуни, вег1ла мез далуси адамла х1урматра халаси бирар.

Нуни пахрубирули рирус шагьарлизиб нешла мезличиб гъайбик1ути адамти къаршибикалли, хаслира дила, дарган мезличил. Дарган адам цугикаллира, наб дигахъис иличил дарган мезличил гъайрик1ес. Набчи нунира пахрубирули рирус, сенах1енну нуни г1ях1ил далас дила нешла мез. Илди мез хъумартес, мучлаагардарес сегъуналра пикри агара дила. Нешла мезиличи пахрубирахъес, илдала х1урматбирахъес руркъулира нуни дила бишт1а рузира узира.

Ца г1яжаибси анц1букь кабикиб нушала хъалибарглизибра. К1ел дус вирули левли дила узи урус мезли гъайкайк1ули вех1ихьиб. Ашкарли илини илди мез мультфильмабачи х1ерик1ух1ели гьамадли урсасили дуили сари, амма нешли итмадан нуша, халати рузби, имц1али дарган мезли ихтилатдик1ахъес узичил хъарбариб. Узи, багьла-багьлали нешла мезличил гъайик1ес вех1ихьиб, илх1ели нушала халаси разидеш. Илбагьандан ну рирхаэс х1ерирус, садиклизи башух1ели далути ах1ен нешла мез нушала дурх1нани, бик1ути бег1тачи.

Гьаларван ах1и, гьанна телевизортазирра дахъал каналти чедиахъули сари. Бишт1а дурх1нас дахъал мультфильмабира лер гьар-журала. Илдачи х1ербик1ули бишт1а дурх1нани урус мез далули сари. Школализи аркьух1ели, кьакьализиб цугбикибти бишт1а дурх1ни булан цаличил ца далу-х1едалути урус мезли гъайбик1ули саби. Дила дукелц1идулхъули дирар илди бишт1атачи. «Х1еръаягу ца х1ушани, ясли-сад агаркъира нушала шилизиб, сен г1ях1ил урус мез далулил»,- пишряхъили рик1улра ну илдази. Илгъунти масъулти чедиух1ели, нуни пикрибирулра, урус мез гьамадли дяркъес вирули сай, амма нушала мез дагьахъес урус мезли гъайбик1ути дурх1нази сеннира къиянни саби.

Нушала класслизивра лев, шагьарлизивад вак1ибси урши. Илра нушачил урус мезли гъайик1ули сай. Илини иргъули сай дарган мезли нушани дурути, амма нушачил дарган мезли гъайик1ес балули ах1ен. Илала халаси кьас леб, нешла мез дяркъес. Илгъуна кьас лебнилисра илис халаси баркалла, сенах1енну нушани чебиулира секьяйда къияй сабил илис. Иличил нуша перерывла заманара дарган мезли гъайдик1ули дирех1е. Сунес нушачил дарган мезли гъайик1ес дигули хьалли, урузк1ули сай, балк1ли дев бурис или. Илдигъунти уршбира рурсбира бахъал леб. Илбагьандан бег1ти хъайг1иб дарган мезли гъайбик1ес г1яг1нили саби, шагьуртазиб х1ербирули биалра.

Урус мез биалли, школабазирра, университетуназирра, училищебазирра дагьес вирар. Школализиб ункъли х1ебуч1антани булан, шагьарлизи дурабухъалли, урус мез далули сари. Дурх1ни г1ярмиялизи букьи чарбухъунх1елира урус мез г1ях1ил дала. Илбагьанда бег1ла халаси къиян кабихьес г1яг1нили саби бег1тани чула бишт1атази дарган мез дагьахъес, г1ур школализир учительтани. Вег1ла мезли лук1ниличил ва уч1ниличил халаси пахру нуни х1ебалас. Цабех1тани пахрубирули саби аглийский мез далулра или, нуни пахрубирис дарган мезра, урус мезра, английский мезра далулра или.

Гьанна школализирра дарган мезла ва литературалара дурсри камкадарили сари, нуни балули ах1енра селичила пикрибик1улил белч1удила г1ялимти. Итира камбик1ули саби нешла мезличил гъайбик1ути, г1урра камбарес дигутиван билзули саби. Илгъуна биэс г1яг1нили ах1ен. Даргала литературала дурсрачиб нушаб бедлугули саби патриотический бяркъ. Иларти произведениебазибти г1ях1гъубзниванти детаэс дигулира нушабра. Илдани, Ват1ан багьандан, дарибти гьунартачи пахрулира нуша. Урус мезла дурсрачибра лугули саби нушаб патриотический бяркъ, амма дарган мезла дурсри вег1ла урк1иличи дебали гъамли сари. Дарган мезличил произведениеби дуч1ух1ели, урк1и кахси х1яйчиб бирар, гъузгъалди имц1али бирар.

Халаси пикри ва х1ерахъуди бях1чиаэс г1яг1нили саби илди мез калахъес ва чеимц1адик1ахъес. Ил нушала гьарилла чебла саби. Мез деткахъили г1ергъи, беткайхъули саби лебилра нушала нацияра. Илгъуна бетаахъес асух1ебирар.

Нешла мезличи дурх1нала диги чеимц1абик1ахъес багьандан, национальный мезличилти передачаби имц1адарес г1яг1нили саби. Гьаларван чедиахъули лерри дарган мезличил гъайдик1ути мультфильмаби. Х1ябилра г1яжаибли лебри илдачи х1еррик1ес ва лех1ирхъес. Дила нешли к1ел-х1ябал диск асиб илди мультфильмабала. Узини чуйнара-сера х1ердариб илди. Вахъ тамашали Винни Пух кьяйда гъайик1ес вех1ихьилира леври. Илдигъунти дисканира имц1али дуракайэс г1яг1нили саби.

Школьникунази имц1али библиотекализирад дарган мезла жузи кайсахъес г1яг1нили саби. Цайна ишт1ях1 бак1алли, илдани г1урра кайсу илдигъунти жузи.

Школабазир нешла мезла КВН-тира Викторинабира имц1али дирес чебиркур. Нушала школализир илди гьар дус дирар. Лебилра классунала дурх1нани иштях1личил бут1акьяндешра диру. Илдачир нушала дарган мезла учительницани гьаб-убла хъумкартурти г1ядатуни гьандиркахъу. Дишт1ати сценкаби чедиахъули дирех1е. Писательтала произведениеби х1ясиблира нушази сценкаби х1ядурдирахъу ва чедибикибси командалис савгъатра бедлуга. Илдигъунти хъарбаркьуналира дурх1нала иштях1 ак1ахъули саби нешла мезличи.

Бишт1ати имц1али вег1ла мезличил чедиахъути спектакльтачи бикес г1яг1нили саби. Национальный музейтази экскурсияби дирес, гьаб-убла тамашала шимала мер-муса чедаахъес г1яг1нили саби. Дила пикрили лерси сек1ал дигуси саби халатазибад, идани кьасбаралли се-дигара бишт1атази багьахъес бирар.

Халаси баркалла рик1улра ну С. Г1ябдуллаевлис. Илини халаси къиян кабихьиб дарган мезли нушала дурх1ни лук1ахъес ва буч1ахъес. Урусла г1ялимтасра баркалла рик1улра П.К. Усларлис ва Л. И. Жирковлис, сенах1енну илданира дарган мез делч1нилизи белгиси пай кабихьибси саби. Илтях1ярли бурес вирар Грузияла г1ялим Ш. Г. Гаприндашвиличила. Илра дарган мезлис багъишладарибти дахъал статьябала автор сай. Х1ердик1енаягу х1уша нушала миллатла агарти адамтанира сегъуна къиян кабихьилил дарган мез кадизахъес!

Дагъистайзивра, лебил дунъяличивра машгьурси поэт Расул Х1ямзатов вик1усири: «Рахли жяг1ял дила нешла мез деткайхъалли, ну ишбарх1и х1ядурлира ц1ябси х1яри керхес». Дебали дархьти дугьби сари ишди. Вег1ла мез дебк1или г1ергъи чили бала, чихъали сабтил дарганти.

Х1ябилра дигахъис наб дила нешла мез. Нуни муртлиск1ал хъумх1ертис дила ахъти дубуртачибси бишт1аси Хуршнила ши, шила шанти ва дила нешла дарган мез!

Источник

Видео

Скачать материал

Скачать материал

МКОУ «СОШ №2»
                       4 класслаб  абхьибси дарс
                    И.И.Левитанла
     сурат   хIясибли сочинение
    
«Мургьила   гIебшни»
                
ЦахIнабяхъиб
си: 
Ибрагимова 
З.М.
2019 г.
Дарсла тема:
И.И. Левитанла сурат
хIясибли сочинение
                                  «Мургьила гIебшни»
Дарсла мурад :  сипатбарибси белкIла чебкад бурсидешлуми ункъдирни,         
текстла гьабгIергъидеш  хIясибли  сагати бурсидешлуми гьаладяхI ардукни,тIабигIятличи 
диги акIахъни, урусла художникунала суратуназир тIабигIятла жагадеш гьаргбирни.
Чебаъла гIягIниахъала: суратунала ва планла презентация И.И. Левитанла   « 
Мургьила гIебшни»сурат хIясибли , ИКТ. Дарсла башри
1.МугIялимла ихтилат.
2.Художникличила багьуди.
3.Дарсла тема ва мурад гьаргбирни.
4.БучIанти суратличил тянишбирни.
5.Суратла бухIнабуцличила ихтилат.
6.ГIибратлибиубси план цахIнабирхъни.
7.План хIясибли бучIантани пикруми дурни.
8.Сочинение лукIни.
                     1.  МугIялимла ихтилат
­Чина хIердизахIелра нушани чебиулра секьяйда гIебшнили  жагабирулил тIабигIят, 
дикьулра гIебшнила макьамти. ГIебшни –тамашала замана саби.
ТIабигIят чебаахъес вирар декIар­декIарли. Поэтунани  чула уркIила хIялани  
чедиахъули  сари назмуртачил, композитартани­ макьамличил ,художникунани 
биалли ,тIабигIятличил ихтилат бирули саби чула краскабачил. Дагьес чебиркур илдала 
декIарти мез…
­ Илбагьандан , нушаб ишбархIи чебиркур бурсидиэс, багьес, гъайличил бурес, се 
чебаахъилил художникли сунела суратлизир?
­ ИмцIатигъунти художникунани халаси дигиличил чедиахъули  сари чула мер­
мусала тIабигIятла жагадеш…Илдала ургав сайри Исаак Ильич Левитанра.
                   2.  Художникличила ихтилат.
И.И.Левитан жявли цIуръали калун. Илала разидешагарти дурхIядеш, илис 
гьандиркахъесра хIейгахъи. Ил Москвализив живописьла училищелизив учIухIели .илини 
гушдеш чедаиб. УчIуси мерлав дугира буркIи. Левитан уркIи кIантIиси , мялхIямси адам 
вири. ИтхIела заманализиб хIербирути адамти илис бикIули бири урусла тIабигIятла поэт 
сай или.
25 дусла духIнар илини делкIун азирцад суратуни,эскизуни.
Левитанли устадешличил лукIули вири суратуни, уркIила хIялани гьаргдирули ,ва 
сунела мер­мусала  тIабигIят чебиахъули.
              3.  Дарсла тема ва бекI мягIна гьаргдирни.
­ ИшбархIи нушани хIядурдеш бирехIе сочинение белкIес И.И.Левитанла « 
Мургьила гIебшни» бикIуси суратличила. ГIебшни Левитанлис бегIлара дигуси манзил сабри.Илини ил манзилис 
багъишладарибти суратуни делкIун.Амма илдазирад бегIлара дигуси сабри « Мургьила 
гIебшни» . 
             4.БучIанти суратличил тянишбирни.
­Репродукция( суратуни кадяхъили дахъдиахъни) чебиахъни дурхIнази.
­ХIердидирая суратличи , хIял багьирая хIуша илар сарра или гьанбикахъес. авторла
уркIила хIялани дагьес къайгъибарая. 
                 
                5.Суратла бухIнабуцличила ихтилат.
­ Сегъуна асар лябкьули пейзажлизибад­ марайси яра разиси? Сегъуна уркIила 
хIялани алкIахъулив хIушазир?
­Селичила сабив сурат? Сен илис « Мургьила гIебшни» бихьибсив?.
­ДурхIни,хIушаб дигахъадарив худоржникли белкIунси икI мерличир дагьардиэс?
­Сен?
 ­Се чебиулрая гьалабси мерличиб?
­Сегъуна сарив икIди махъла галгаби?
­Чичи мешудуцес дирехIе кIелра галга?
              6.ГIибратлибиубси план цахIнабирхъни.
                 ГIибратли  биубси план
1.Художник ва илала лирический тIабигIятла  сурат.
      2. Урусла гIебшнила тIабигIятла мер –муса.
  3. Дила уркIила хIялани,пикруми суратличила.
1. Художник ва илала лирический пейзаж.
Хъарихъла (кумекла)  дугьби:
•
•
•
•
•
пейзажист
Лерил аримдуцни(царствует)
Жявлила гIебшни
Шалати ранганала сихIрула замана
гIячихъси, гIебшнила бархIи
2. Урусла гIебшнила тIабигIятла мер­муса
(Суратла цаибил мерличиб…)
                          кумекла дугьби                    
•
•
•
хIеркI        ­                лехIси, бамкьурси, багьлали кабухъни.
хIеркIла дубани   ­ дусути, пашманти, дерубти кьар. 
махъла галгуби    ­ мургьила палтар­кьяш. •
•
•
•
•
зак       ­                      шалали­хьанцIа, шаласи, чемъурси.
гъагулти    ­            кункти, цIуба     
вацIа            ­              итабяхI, ранг­рангла палтурти.
ургуба      ­               дубагарти, хъула, махмурла кьалтин.
гьава    ­                   бицIили  саби, бяргIибси ва умуси. 
3. Дила уркIила хIялани ва пикруми суратличила.
(Иш суратли жидирули сари…) 
кумекла дугьби:
•
•
•
Шалати ва мялхIямти уркIила хIялани 
пашманни саби
Чердалта мургьила кIари
7.План хIясибли бучIантани пикруми дурни
4. Предложенияби  тIинтIдарая.
ДакIили сари гIебшни. 
Кабухъи саби хIеркI. 
ХьанцIбухъи саби зак. 
Каркули сари кIари. 
8.Сочинение лукIни.

ВегI акIубси ван­за­личиб адамлис бер­хIи имцIали вана­би­кIар, гьава кункси бирар, уркIи пар­гъатли бирар. Илкьяйда наб­ра дигахъис ХIур­хъила ши.

ХIурхъила ши кабурхуси са­би Сергокъалала районнизи. Жяв замана ХIурхъила ши де­ба­ли халаси бирусири, амма ила­бад адамти гечбиубтири диш­тIати махьурби акIахъубли. Ил­ди махьурби сари ГIяяли­зимахьи, Ванашимахьи, ГIяй­мау­махьи, Магьаргимахьи ва цархIилтира. ХIурхъила шилизиб гьаннала замана дебали камти адамти хIербирули саби. ХIурхъила ши дебали къугъаси саби. ДуцIрумла манзил шилизиб тамашала жагадеш бирар. Алавчарли халати дубурти лер, сарира къугъати галгубани дебали жагадирахъути. ВацIурби, хIеркI, арцантала вичIиръала, — паргъатдешли адамла уркIи разибирахъу.
Шилизир лер дебали жагати мер-муса «ХIо ше гIиниз» или бикIуси гIинизларти шин ванзала удирад дашути сари. Илди шин азир изайс дармандирути сари. Илди шинна хабарличи дурала шимазибадра адамти башар, сенахIенну илди шин жура-журала излумас сабабдирар. Урцецуназирти къаркъуби илдани гьамадли дурайу, бекI изухIели илди пайдаладиру, кьяшми-някъби изухIели дяргIибти шинни ицу.
Шилизиб леб халаси ва дебали жагаси школа. Ил 2011 ибил дуслизиб сагабарибси саби. БиштIати дурхIни бихIес, леб жагаси дурхIнала анхъ, шилизир лер кIел библиотека, чузирра дебали пайдалати жузи лерти. Шила дублаб леб халаси больница, илаб бузули дебали багьудичебти ва устадешчебти тухтурти леб. Тухтуртани гьар бархIи адамтас кумекбиру. Дурала шимазибадра бахъал адамти ила башули бирар. Наб дебали дигахъис ну акIубси ХIурхъила ши. Шилизибад дурабухъунти саби дебали бахъал пагьмучебти адамти, гIялимти, учительти ва цархIилтира. Нуни пахрубирулра дила шилизибад илдигъунти адамти дурабухъниличи. Чинар риасра ну, дила шиличила аргъасли, уркIи ванабирар.
Дигахъес ва мяхIкабирес хъар­си саби нуша акIубси мер, нушала Дагъистан, илабси биштIаси ватIан. Шилизиб хIербирути адамти дебали цабалгунти адамти саби. Адамличи къиян бакIалли, лебилра кумекбарес музабулхъан.